Jekk jogħġbok irreferi għall-websajt tal-Programm tal-Fondazzjoni f’Malta 

Il-karigi jinħarġu kull sena mid-Diviżjoni tas-Saħħa u jiġu reklamati fil-Gazzetta tal-Gvern ta’ Malta u fit-taqsima tal-Opportunitajiet ta’ Impjieg fuq il-Websajt tad-Dipartiment tal-Informazzjoni.

Il-persuna maħtura tibda programm ta’ taħriġ strutturat fl-ispeċjalità meħtieġa, kif approvat mill-Kumitat ta’ Akkreditazzjoni ta’ Speċjalisti (SAC), skont l-Att dwar il-Professjonijiet tal-Kura tas-Saħħa. Dan it-taħriġ għandu jkun taħt id-direzzjoni tal-Koordinatur tat-Taħriġ u l-Kumitat tat-Taħriġ ta’ wara l-Lawrija rispettiv. Għandu jkun hemm valutazzjoni kontinwa u reviżjoni annwali tal-prestazzjoni. It-taħriġ kontinwu jiddependi fuq rapporti sodisfaċenti mill-koordinatur tat-taħriġ u l-kumitat dipartimentali tat-taħriġ. Matul il-kuntratt tiegħu/tagħha, l-Apprendist Speċjalista Bażiku għandu jkun f’pożizzjoni li jagħmel kwalunkwe eżami, jew kwalifika oħra xierqa komparabbli kif preskritt fil-programm ta’ taħriġ approvat.

Il-formoli tal-applikazzjoni jistgħu jitniżżlu mill-websajt ta’ hawn taħt:

Webpage Opportunitajiet ta’ Impjieg tal-Gvern.

jew jistgħu jinkisbu mill-Ministeru tal-Enerġija u s-Saħħa, Taqsima tal-Persunal, 6, Harper Lane, il-Furjana.

Il-formoli tal-applikazzjoni, flimkien ma’ curriculum vitae li jindika kwalifiki u esperjenza, iridu jintbagħtu lill-Assistent Direttur, Riżorsi Umani, Ministeru tas-saħħa, l-Anzjani u Kura fil-Komunità, 6, Harper Lane, il-Furjana sa mhux aktar tard minn nofsinhar (Ħin tal-Ewropa Ċentrali) fid-data tal-għeluq indikata fis-sejħa għall-applikazzjonijiet.

Il-Kumitat għat-Taħriġ ta’ wara l- Lawrija huwa l-Kumitat ta’ Speċjalità individwali li huwa risponsabbli biex jivvaluta t-taħriġ. Huwa magħmul mill-Koordinatur/i tat-Taħriġ bħala President tal-Kumitat, iċ-Chairperson tad-Dipartiment Klinika, Ir-Rappreżentant tal-Assoċjazzjoni u rappreżentanti kif indikat skond il-laqgħa jekk ikun meħtieġ.

Il-Programmi ta’ Taħriġ huma disponibbli fl-ispeċjalitajiet li ġejjin: 

• Speċjalizzazzjoni fil-Mediċina għall-Adulti
• Anestesjoloġija
• Baromediċina
• Kardjoloġija
• Kirurġija Kardjo-Toraċika
• Patoloġija Kimika
• Ġenetika Klinika/Medika
• Onkoloġija Klinika
• Pedjatrija Komunitarja
• Dermatoloġija
• Mediċina ta’ Emerġenza
• Mediċina tal-Familja
• Kirurġija Ġenerali
• Mediċina Ġenitourinarja
• Ematoloġija
• Istopatoloġija
• Mikrobijoloġija
• Neonatoloġija
• Newrofiżjoloġija
• Newrokirurġija
• Ostetrija u Ġinekoloġija
• Oftalmoloġija
• Kirurġija Ortopedika
• Otorhinolaryngology
• Pedjatrija
• Kardjoloġija Pedjatrika
• Endokrinoloġija Pedjatrika u Dijabete
• Nefroloġija Pedjatrika
• Newroloġija Pedjatrika
• Onkoloġija Pedjatrika
• Mediċina Palljattiva
• Kirurġija plastika
• Psikjatrija
• Mediċina tas-Saħħa Pubblika
• Radjoloġija
• Mediċina ta’ Riabilitazzjoni
• Kirurġija Vaskulari

Hija r-responsabbiltà tal-applikanti, fil-pussess ta’ kwalifiki mogħtija minn Universitajiet / istituzzjonijiet ta’ edukazzjoni terzjarja Maltin jew barranin (esklużi kwalifiki mogħtija mill-Università ta’ Malta, il-Kulleġġ Malti tal-Arti, ix-Xjenza u t-Teknoloġija, l-Istitut tal-Istudji Turistiċi u l-Istitut għall-Konservazzjoni u l-Ġestjoni tal-Wirt Kulturali), li jipproduċi dikjarazzjoni ta’ rikonoxximent dwar il-komparabbiltà tal-kwalifiki maħruġa miċ-Ċentru ta’ Informazzjoni dwar ir-Rikonoxximent tal-Kwalifiki ta’ Malta (MQRIC) fi ħdan il-Ministeru tal-Edukazzjoni, l-Impjiegi u l-Familja jew l-awtorità nominata, kif applikabbli, liema dikjarazzjoni għandha tiġi mehmuża mal- applikazzjoni u l-oriġinali ppreżentati fl-intervista. Il-kandidati li ma jkollhomx din id-dikjarazzjoni xorta jistgħu japplikaw, sakemm jissottomettu kopja tad-dikjarazzjoni, maħruġa mill-awtorità rilevanti, lid-dipartiment li jirċievi hekk kif disponibbli u fi kwalunkwe każ, sa mhux aktar tard minn xahar mill-għeluq tad-data tas-sejħa għall-applikazzjonijiet.

Il-karigi jinħarġu kull sena mid-Diviżjoni tas-Saħħa u jiġu reklamati fil-Gazzetta tal-Gvern ta’ Malta u fit-taqsima tal-Opportunitajiet ta’ Impjieg fuq il-Websajt tad-Dipartiment tal-Informazzjoni. Jekk jogħġbok segwi ż-żewġ links hawn fuq, biex tikseb l-aħħar informazzjoni dwar l-applikazzjonijiet kollha.